Соопштенија

Почеток на Бизнис лига сезона 2017/2018 есенски дел

Најелитното аматерско натпреварување во мал фудбал Бизнис Лига на Македонија на 28.09.2017 одржа прес конференција. На самиот прес беа претставени компаниите учеснички, системот на натпреварување, распоредот од есенскиот дел како и медиумските покровители.

Сезоната 2017/2018 е седмата последователна сезона во која Бизнис Лига на Македонија брои рекорден број на компании и тоа дваесет и две.

Што се однесува до самиот ситем на натпреварување, се игра еднокружно (секој со секого) бидејќи натпреварувањето се игра без гостински терен за да на крајот првите 4 екпи влегуваат директно во Ф8 фазата која е елиминациона и секој пораз значи испаѓање, додека пак со разигрување шанса за влез во Ф8 ќе имаат и екипите од 5-то до 12-то место. Победниците влегуваат во Ф8 по што се игра завршниот турнир кој води до титулата во шампион на Бизнис Лигата на Македонија.

Свое обраќање на прес конференцијата имаа проект менаџерите на Бизнис Лигата Младен Ѓуроски и Филип Николовски кои им посакаа на компаниите пред се фер плеј игра успешна сезона исполнета со многу забава и како и секогаш да победи подобриот.

На пресот се обрати и директорот на Спортскиот Центар Борис Трајковски Александар Петровски кој го потврди континуитетот на соработката помеѓу Бизнис Лигата и Спортскиот Центар Борис Трајковски. 

Настап на Светско Првенство во уметничко лизгање за јуниори

Денес со почеток во 16.00 часот на ISU Junior Grand Prix (Светско Првенство во ументичко лизгање за јуниори) што се одржува во Загреб, со кратка програма во категоријата - жени како претставник од Македонија настапува Ангела Прилепчанска.

Нашата натпреварувачка во рамките на овој натпревар ќе настапи и на 30.09.2017 година со Слободен состав ("Ladies Free Skating") по што ќе следи конечно бодување и рангирање во рамките на Светската Јуниорска листа за Уметничко лизгање-жени. 

Ова е голем настан за Република Македонија која за прв пат има преставник во уметничко лизгање на Светско првенство, откако пред неполни три месеци стана членка на ISU.

Настанот можете да го следите на следниот линк:

Гостување на програмата на Спортско Радио 90,3

 Директорот на СЦ Борис Трајковски, Александар Петровски, во гостување на програмата на Спортско Радио 90,3 потенцира дека е задоволен од тековните активности и дека има планови за модернизирање на капацитетите.
 
„Сакам Спортскиот Центар Борис Трајковски од сите аспекти да се доближи до познатите европски арени. Се корегира осветлувањето во кугланата, се работи на семафорите и на подземниот ВИП паркинг. Се анализираат сите објекти и се прави план за оддржување и надградување. Имаме одлична соработка со АМС и заеднички имаме намера да направиме одредени промени поврзани со корисниците од екипните спортови. Тука во преден план се репрезентативните настапи“ вели Петровски.
 
„Спортскиот Центар Борис Трајковски, се обидува да им излезе в пресрет и на лицата со посебни потреби како и на клубовите кои досега не биле активни во нашиот објект. За рекреативците имаме многу атрактивни целодневни понуди се со цел да се зголеми искористеноста на капацитетите и да им се овозможи да спортуваат според нивните желби и потреби. Не ги забораваме и музичките настани, ќе направиме напор да ја зголемиме бројката на концерти секако во соработка со соодветните агенции“ – изјави меѓу другото директорот на Спортскиот Центар Борис Трајковски, Александар Петровски.
Sportsko17

„Ајде да играме тенис“ – прерасна во традиција

 

Вип ТЕНИСКИ ТЕРЕНИ исполнети со спортски ентузијасти

Денес, во Спортскиот Центар „Борис Трајковски“, во рамките на ВИП тениски терени, со почеток во 10:00 часот, се одржа вториот бесплатен и отворен час по тенис, на кој од 19-ти до 21-ти април, сите заинтересирани лица од 6 до 18 годишна возраст, имаа шанса да се пријават и да бидат дел од оваа манифестација. Овој спортски настан насловен како „Ајде да играме тенис“, беше под водство на двајца професионални тренери по тенис, кои на присутните им покажаа и презентираа дел од основните спортски вештини на овој популарен спорт.

-Денес во организација на Спортскиот центар Борис Трајковски се спроведува проектот „Ајде да играме тенис“. По одличното искуство од минатата година ние како спортски центар се решививме ВИП тениските терени и оваа сезона да бидат домаќини на отворениот час во тенис. Би сакал да истакнам дека на сите учесници кои денес се дел од оваа бесплатна обука, им беше овозможено подобро да се запознаат со основите и убавините за тенисот како спорт и тоа од страна на искусни и професионални тренери. Ние како раководство на Спортскиот Центар позитивно сме изненадени од големата заинтересираност и одзивот од страна на граѓаните, поточно од младите вљубеници во тенисот. Нашата цел е што повеќе млади луѓе да ги насочиме кон спортот и здравиот начин на живот. Младите учесници денес се покажаа како големи спортски ентузијасти без разлика што повеќето се почетни рекреативци, и искрено веруваме дека во некој од нив ќе се пробуди интересот за да продолжи да се занимава со овој популарен спорт. „Ајде да играме тенис“ е само дел од богатиот оперативен план на Спортскиот центар Борис Трајковски за 2017-та година-изјави Јане Мицевски Раководител на сектор продажба при СЦ Борис Трајковски.

Сите пријавени млади лица, кои беа дел од првиот бесплатен отворен час по тенис во Спортскиот Центар „Борис Трајковски“, имаа можност да ја искусат позитивната атмосфера и спортскиот дух кои се карактеристични за тенисот како спортска дисциплина.

eu week sport

  • home-page-footer-01.jpg
  • home-page-footer-02.jpg
  • home-page-footer-03.jpg
  • home-page-footer-04.jpg
  • home-page-footer-05.jpg
  • home-page-footer-06.jpg
  • home-page-footer-07.jpg
  • home-page-footer-08.jpg
  • home-page-footer-09.jpg
  • home-page-footer-10.jpg
  • home-page-footer-11.jpg
  • home-page-footer-12.jpg
  • home-page-footer-13.jpg
  • home-page-footer-15.jpg

Локација

А1 Арена Борис Трајковски

Булевар 8ми Септември бр.13
1000 Скопје, Република Северна Македонија

тел: +389 076 361-185; 071 318-966
email: info@scboristrajkovski.gov.mk