Соопштенија

Спектакуларно отварање на Vip Лизгалиште

Vip ЛИЗГАЛИШТЕТО во Спортскиот Центар БОРИС ТРАЈКОВСКИ и официјално отворено за сите љубители на добрата забава на мраз. Овогодинешната сезона беше отворена со спектакуларна забава на мраз со денс атракцијата “Битрикс кру”, а за добрата музика беше задолжен ДЈ Бугимен.

Лизгалиштето е отворено за сите љубители на рекреативното лизгање и убавината да се лизга на вистински мраз и воедно нуди одлични услови кои се мотивација за деца и млади луѓе кои ќе одлучат да ги изучуваат тајните на уметничкото лизгање во школата за уметничко лизгање.

Подгответе се за зимски лудории, Ве очекуваме!

Спортски Центар БОРИС ТРАЈКОВСКИ 

Започна нова сезона на “Vip ЛИЗГАЛИШТЕТО”

“Vip Лизгалиштето во Спортскиот центар Борис Трајковски, од денеска ја започнува новата сезона. Покрај термините за рекреативно лизгање тука се и Школата за уметничко лизгање и хокеј тренинзите. Уживањето и добрата забава на лизгањето на вистински мраз е загарантирана.

Билет за рекреативно лизгање со вклучени лизгалки чини 150.00 ден, билет без лизгалки чини 100.00 ден, додека за групна посета (над 30 луѓе) со вклучени лизгалки билетот изнесува 100.00 ден.

Распоредот на термини можете да го погледнете тука:

http://scboristrajkovski.gov.mk/kapaciteti/pdf/temini-lizgaliste-17-18-n.pdf

Подгответе се за уживање на мразот, Ве очекуваме!

Ice-Skating

Интервју на директорот на СЦ БОРИС ТРАЈКОВСКИ за порталот САКАМДАКАЖАМ.МК

ЌЕ ПРОПАДНЕВМЕ АКО ГРАДЕВМЕ БАЗЕН И ТЕНИСКИ ТЕРЕНИ КАКО ШТО САКАШЕ МИНАТАТА ВЛАДА, ВЕЛИ ДИРЕКТОРОТ НА САЛАТА „БОРИС ТРАЈКОВСКИ“

Со парите кои минатата Влада ги префрлила за изградба на базен во аква паркот и затворени тениски терени во СЦ „Борис Трајковски“, новото раководство ги покрило долговите кои ги наследило од претходниците. На сметката на СЦ „Борис Трајковски“ биле префрлени пола милион евра за оваа намена. Новиот директор Александар Петровски ги стопирал овие проекти, за како што вели да не се блокира работењето на центарот бидејќи наследил голем број долгови.

intervju-sakam-da-kazam

„Доколку почнеше реализацијата проектите отворен базен во аква паркот, каде сметам дека нема доволно простор за негова изградба и затворени тениски терени, ќе пропадневме. Изградбата на овие објекти повлекува многу повеќе пари. Треба да си ја пуштиме чергата колку што ни се долги нозете. Со одлука на Влада добив дозвола со овие пари да се платат дел од долговите и побарувањата“, вели новиот директор на СЦ „Борис Трајковски“ Александар Петровски.

Петровски освен лоша финансиска состојба вели дека многу работи во салата, базенот, аква паркот и останатите содржи кои ги има во спортскиот центар биле занемарени.

„Хигиената во базенот беше лоша, покривот не е во добра состојба и наредната година се надевам ќе обезбедиме пари за реновирање. И во салата работите не беа ништо подобри, не ми беше јасно зошто лифтовите не работат, а подземниот паркинг никој не го користи. Тој беше претворен во магацин, затрупан со потребни и непотребни работи, 40 камиони со ѓубре изнесовме. Сега тој е функционален, па ѕвездите и спортистите кои настапуваат ќе можат професионално преку паркингот да дојдат до салата, а не како досега преку улица, меѓу посетители и навивачи. Стинг беше првиот кој го сефтоса“, вели Петревски.

Новиот директор вели дека во наредниот период ќе работи и на подобрување на условите и услугите во аква паркот, а од наредната недела ќе биде отворено лизгалиштето.

А. АНТЕВСКА

Соопштение - Дајнерс

Почитувани корисници,

Членовите на Diners Club отсега ќе имаат можност за плаќање до 6 рати со Diners Club картичката во Спортскиот Центар Борис Трајковски. Diners Club картичката ќе можете да ја користите при купување карти за натпревари, членство во Vip Фитнес и Vip Аеробик центарот како и за користење на Vip Базенот. А, за семејните дружења на располагање ги имате Vip Кугланата и пинг понг клубот.

Ве очекуваме!

dajners

Технома 2017

Од денес па до 29 октомври во Vip Арената на Спортскиот центар „Борис Трајковски“ ќе се одржува 43. Меѓународен саем „Технома 2017“. Дoмaшни и стрaнски прoизвoдитeли од oблaстa нa мeтaлургиjaтa, eлeктрoтeхникaтa, енергетиката, нeмeтaлитe, грaдeжништвoтo, обезбедувањето и заштитата ќе учествуваат на оваа манифестација.

Во организација на „Скопски саем“ паралелно со „Технома“ ќе се одржи и 37. Меѓународна изложба на иновации – МАКИНОВА 2017, каде компаниите ќе ги претстават и промовираат своите иновативни производи и методи.

Традиционално, на „Технома 2017“ ќе се претстават и националните економии на многу земји, покраини и региони, а за зголемување на соработката организирани ќе бидат стручни програми и Б2Б средби.

Работното време на саемот е од 10 до 19 часот.

tehnoma-17

Пливачки митинг

Изминатиот викенд на 21-22.10.2017 во Vip Базенот при СЦ Борис Трајковски, се одржа петтиот меѓународен пливачки натпревар „13-ти Ноември” на кој настапија преку 300 пливачи од вкупно 12 земји и тоа: Македонија, Србија, Бугарија, Албанија, Косово, Ирска, Чешка, Словенија, Италија, Босна и Херцеговина, Велика Британија и Грција.

Пливачкиот митинг беше организиран од страна на ПК Бета со подршка од Спортскиот Центар Борис Трајковски. 

За најуспешен клуб на овој митинг беше програсен домаќинот Пливачкиот клуб Бета со освоени 85 медали од кои 37 златни, 25 сребрени и 23 бронзени медали, додека за најдобри пливачи беа прогласени Иван Ленџер (Србија) и Тјаша Возел (Словенија).

За одбележување се шесте македонски рекорди кои ги поставија пливачите на ПК Бета:

– Ана Јаневска постави нов младински и апсолутен рекорд на Македонија во дисциплината 50 метри делфин со време 28,61 секунди
– Миа Блажевска Еминова постави пет нови рекорди за постари пионери во дисциплините:

100 метри слободно со време 01.01,34 минути каде го подобри 20 години стариот рекорд на Весна Стојановска со време 01.01,50 минути;

50 метри делфин го подобри рекордот со време 31,36 секунди;

100 метри мешано со време 1.11,72 минути;

50 метри грбно со време 33,09 секунди;

50 метри слободно со време 28,36 секунди.

eu week sport

  • home-page-footer-01.jpg
  • home-page-footer-02.jpg
  • home-page-footer-03.jpg
  • home-page-footer-04.jpg
  • home-page-footer-05.jpg
  • home-page-footer-06.jpg
  • home-page-footer-07.jpg
  • home-page-footer-08.jpg
  • home-page-footer-09.jpg
  • home-page-footer-10.jpg
  • home-page-footer-11.jpg
  • home-page-footer-12.jpg
  • home-page-footer-13.jpg
  • home-page-footer-15.jpg

Локација

А1 Арена Борис Трајковски

Булевар 8ми Септември бр.13
1000 Скопје, Република Северна Македонија

тел: +389 076 361-185; 071 318-966
email: info@scboristrajkovski.gov.mk