Спортска Сала Борис Трајковски

Е-пошта

    Спортскиот Центар го носи името на трагично загинатиот Претседател на Република Македонија Борис Трајковски (1956-2004). Се наоѓа на територијата на Град Скопје, во општина Карпош. Центарот е изграден од страна на Владата на Република Македонија во 2008-та година. Во состав на Спортскиот Центар “БОРИС ТРАЈКОВСКИ” се наоѓа мултифункционална спортска сала која е репрезентативен спортски објект на Република Македонија. Повеќенаменската сала се користи и за културни манифестации.

    Во самиот комплекс се наоѓа и мала спортска сала која се користи за тренинзи и рекреација. Центарот располага и со ексклузивен фитнес и аеробик центар.Како дел од фитнес центарот се и повеќе сауни за релаксација на спортистите. Центарот располага и со пинг-понг клуб кој е достапен за сите посетители а истиот е дополнет со студио за масажа и mega sun солариум. Во самиот комплекс се наоѓа и куглана подготвена по светски стандарди од меѓународната кугларска федерација со бар, а дел од истиот е и билјард клуб. Во состав на Спортскиот Центар БОРИС ТРАЈКОВСКИ се наоѓаат и 2 спортски продавници.

    По изградбата на спортскиот комплекс во состав на центарот влезе и базенот Карпош. Спортскиот Центар БОРИС ТРАЈКОВСКИ е елитен комплекс и претставува единствен центар од мултифункционален карактер на територијата на Република Македонија, како и на Балканскиот Полуостров.

    Центарот е адаптиран по стандардите на најмодерните спортски центри во САД. Спортскиот Центар БОРИС ТРАЈКОВСКИ е сликата на спортот и положбата на здравјето и вистинскиот живот. Центарот е достапен за сите граѓани.

    Благодарение на капиталните инвестиции на Владата на Република Македонија Спортскиот Центар БОРИС ТРАЈКОВСКИ е дополнет со хокеј арена, каде за одржување на тренинзите се букирани тренери , кои се експерти во овој спорт. Во овој објект на располагање на сите граѓани се и тренинзи по уметничко лизгање. Лизгалиштето е достапно и за рекреативно лизгање во период од 10 до 17 h и 21 до 00 h. Спортскиот Центар Ви ја нуди основната опрема за започнување на овој спорт (кацига, лизгалки, хокеарски стап, а достапна е и нарачка на дополнителни потребни елементи).

    Нова содржина која ја пласиравме на маркетот е и Картинг Центарот кој има рекреативен карактер, и располага со осум картинзи кои се од брендот Хонда, а безбедносната опрема е од брендот Спарко. Објектот располага и со кафе бар кој служи за релаксација по возењето.

    Во рамките на Спортскиот Центар новитет е Семејниот Центар Habyland. Пространа внатрешна игротека за деца до 12 години, со одвоен простор за најмладите. Надворешен простор со лизгалиште и бергодром за деца до 15 години. Пријатен кафе бар на летна тераса.

    Најновиот објект кој е во состав на Спортскиот Центар БОРИС ТРАЈКОВСКИ е реновираниот базен Карпош.Базенот доби нов лик, како и целосно реновирање на внатрешноста. Покрај базенот нов лик доби и терасата на која се наога терен за одбојка на песок, пинг-понг маси и кафе бар.

    Во состав на базенот е проектиран и клуб за бокс кој служи за реализација на тренинзи на боксерските клубови кои се отворени од страна на СЦ Борис Трајковски и Боксерската федерација на Р.М.

    Во 2013 година СЦ Борис Трајковски се прошири со најголемиот капитален објект по Арената Борис Трајковски. На 12.000 м2 изграден е првиот аква парк во Скопје, кој располага со најмодерни реквизити и содржини, атрактивни за целото семејство.

 

rm_vlada_banner2

vardarscbt

poster



plivawe

asd